Gums í orða og litmyndum

Orðin fjögur

Tue, 29 Jan 2008 08:54:36 GMT

Komið sæl, nú skáldið
mun segja ykkur dáldið
um einmitt ykkur sjálf
þó ykkur finnist hálfvandræðalegt
á að hlýða
ég ætla ekki að hýða
einn
né neinn
og ekki verður rekinn fleinn
í hjarta nokkurs manns
nei, hér verður stiginn orðadans
Kannski með glans
kannski ekki
ég meina, ég þekki
ykkur ekki neitt
og veit þessvegna ekki hvað er heitt
hjá verkfræð-ingum
og tækniráðgjafareinstak-lingum.
En það var gerð könnun
hjá VGK-HÖNNUN
um gildi
og skyldi
það vera mildi?
Ég veit það ekki strax
en það var einhver stórlax
sem sagði að
svona lag-að
kæmi fólki af stað
svo einhverjir punktar voru hripaðir á blað
og ég var svo fenginn hing-að
til að
kynna það.
Jæja þá,
VGK
-HÖNNUN má
vera meira en smá
stolt af þessu fram-taki
Held það braki
ekki í neinum stoðum
í þessum nýju boðum:
Ég held við skoðum
niðurstöð-una
Ég meina, ég hlýt að muna
fjögur orð
en það var það sem kom á borð
eftir margra mánaða grúsk
Nei, þetta er ekkert fúsk
Það þurfti sko að grafa
eftir þessum safa.
Þetta er svo kristaltært
og gegnumglært
að hvert gildi er ekki bara sjálfbært
heldur skín það svo skært
að það verður hverju hjarta kært
eftir að allir hafi það lært
og þið þakkið mér síðar fyrir að hafa fært
ykkur gildin hér í dag
og kannski semjið þið til mín lag
Ég er alveg tilbúinn í þann slag
En það er alveg óþarfi að fara neitt að syngja
þetta er einu sinni mitt fag
Best að snúa stýrinu og stefninu
og koma sér að efninu
og hætta með útúrdúrssögur
og bjagaðar bögur
eins og kristallaður frostlögur
eða trostnað kögur
Því....
Gildin fjögur
eru fögur:
Það fyrsta er alls ó-vit-laust:
TRAUST
Annað hjálpar til bæði í sorg og gríni:
VÍÐSÝNI
Þriðja forðar oss frá hverskyns blekking:
ÞEKKING
Fjórða hjálpar til að halda geði:
GLEÐI
-----------------------------------------------------
Ókei.
Fyrsta gildið sem fram braust
í fæðingu sem hófst einhverntíman í haust
heitir TRAUST
Nú hlýðið prúð og góð
á þetta ljóð:
,,Þú sem framhjá borði þaust
og efann fremstan kosta kaust
hafðu bindið bara laust
og sýndu okkur hinum traust"
Þetta kvæði
sýnir bæði
þor og gæði
Því annað hvort þarf vitleysing
eða bara traustið slétt
að bera fyrir verkfræðing
ljóð sem ekki stuðlar rétt.
Ég meina, ef þú ætlar að vinna hér
verðurðu bara að treysta mér
og ekki síður sjálfum þér
traust öðrum er traust á sjálfum sér.
Hversvegna ættirðu að treysta?
Jú, hefur verið rifið af þér eista?
Kannski gert grín að þínum hvíta sokkaleista
en hefur einhver á vinnustaðnum reynt að kreista
úr þér lífsins neista?
Nei, ég þori að veðja
að raunverjulegt hreðjatak
hefur enginn á þér
Svo þér er jafnvel óhætt að ganga um ber
en muna bara að hafa hjálminn á sér
Allar pæjur
að hafa á sér öryggisgræjur
þá er ég ekki að tala um smokka
heldur öryggisvettlinga og sokka
ég vona að þið allar séuð búnar að fá
háhælaskó með stál-tá.
Jæja, nóg um traust að sinni
ég vona að flestir finni
það á eigin skinni
líkt og Tobbi og Tinni
að það þarf traust í sambúðinni
þegar byggja skal upp
og taka á á þátt alheimssköpuninni
----------------------------------------------
NÚ! það er hverju svíni
nauðsynlegt að hafa smá víð-sýni
sá sem sér vítt
getur samþykkt bæði svart og hvítt
alveg tilbúinn að gera eitthvað nýtt
bæði hart og blítt
slefað og snýtt
söndugt og grýtt
getur losað um og hnýtt
togað og ýtt
bæði sjaldan og títt
einnig ljótt og frítt
notað sparsl eða kítt
gelt, mjálmað og rýtt
haft það bæði gott og skítt
hvort sem er frost eða þítt
Enginn ætti að vera mæddur
að vera þessum kostum gæddur
að skoða í víð-sjá
er eins og að gá
hvort einhver á
ekki smá
kosti hér og þar
og ekki vera spar
á forvitni í lífsins gönguför
og horfa ekki alltaf í gegnum rör
hlusta jafnvel á geisladisk með hljómsveitinni BLUR
hækka um nokkur millibör
og prófa að ganga í jakkafötum úr hör
borða skyr út á blóð-mör
YESS SÖR
og svo er líka miklu betra að vinna með hinum
og þú gætir eignast helling af vinum
ef þú tileinkar þér í alvöru og gríni
smá víðsýni.
--------------------------------------------------------------
Þá tekur við gildið hið þriðja
og hefst þarmeð hin svokallaða þekkingarhryðja
svo vaki yfir okkur hin góða viskugyðja
sem gefur okkur gott að iðja
og vökvar á okkur heilann án miska
Hvað þýðir þekking, vill einhver giska?
Jú, þekking er að hluta það sama og viska
Þekking þýðir líka að kunna
til dæmis að reikna út borðarþol brunna
og formúlan yfir það hvað ein síldartunna
getur fætt marga munna
en þekking er líka nunna
með fingurna brunna
sem gætir sín á þyrnirunna
Þekking þýðir ekki magafylli
en getur leitt til yfirburðasnilli
Þekking þýðir ekki einhvert plott
nei, hún stendur fyrir hugvit, djarft og gott
og þekking birtist oss með margvíslegum hætti
til dæmis í sköpunarmætti
Líkt og sérhver lagni
kemur þekking alltaf að gagni
líka á jólum
því þá þarf að raða upp stólum
og með þekkingu skal tekið á unglingabólum
festa knipplinga á kjólum
reikna út sveiflulíkindi í rólum
hvernig beita skal allskyns tólum
eða herða skal á ólum
finna út snertiflöt á skósólum
eða halda í skefjum fólum
kreista réttu efnin úr njólum
búa til ilmvatn úr fjólum
reikna út hlýjindi á pólum
finna út álagið í skólum
og koma fyrir legum í hjólum
--------------------------------------------------------
Og þá erum við búin að bruna
í gegnum þekking-una
Komin að gildinu síðasta en ekki sísta
sem fjallar um það hvernig fuglar af gleði tísta
Gleðin er ekki það að vera alltaf í stuði
í lífsins puði
og þjóta
upp til handa og fóta
eins og Hemmi Gunn
alla leið út á landgrunn
með galopinn munn
og vera bara hress
ekkert stress
bless, bless, bless
Nei, gleði er að njóta
þess að hljóta
að mega móta
stefnu og starf til bóta
jafnvel þótt þú eigir gamlan og ryðgaðan Skoda
Því um leið og gleðin gengur í garð
erum við farin að sjá arð
og er það ekki takmark allra hér
að gera gagn bæði öðrum og sjálfum sér
og það veit sá sem mig hingað réði
að það er hægt að rækta gleði
maður byrjar á því að bjóða góðan dag
ræðir þá kannski þjóðarinnar hag
æfir sig í að segja takk og já
brosir jafnvel oggupoggu-smá
yfir því að tilveran er gul og rauð og blá
en ekki bara grá
og muna hvaðan þú hefur áhugann og kraftinn
og gefa jafnvel sjálfri þér á kjaftinn
ef þú ert orðinn fúl
vinnan verður nefnilega helvítis púl
ef það er ekki gaman
reynum því að muna öll saman
að gleðin er ekki bara spari
hún er eldsneyti í dagsins amstri
Þótt þú líkist hamstri
eða tilraunarottu
eða Hollendingi með hallærismottu
þá berðu ábyrgð á eigin gleði
sjáðu bara hvað skeði
með frænda minn sem ímyndaði sér
alltaf að forstjóri hans gengi um ber
Hann brosti alla daga út að eyrum
og brátt fór bros að taka sig upp hjá fleirum
Hjá Stínum og Jóum og Siggum og Geirum
Þetta er ekkert grín
Allir héldu að hann væri að brosa til sín
og glaðir unnu allir sinn vinnudag
og bættu um betur fyrirtækisins hag
Nú fer ég brátt að ljúka þessum brag.
En munið:
Manneskjan á sér efalaust
marga slæma kæki
víðsýni, gleði, þekking, traust
eru hjálpartæki
Já, hjálpartæki í lífi og störfum
og í ástum - notist algjörlega eftir þörfum
Þá fer þessu að ljúka
Bless ég þarf að kúka

Spenna, drama og spuni í Brandaraborg.

Tue, 22 Jan 2008 09:39:59 GMT

Í ljósi atburða gærdagsins og síðustu mánuða í borgarmálum í Reykjavík, þá getur maður ekki komist hjá því að spurja sjálfan sig.

"Er ég örugglega vakandi ? Er þetta raunveruleikinn ?.. er það ?

.. og auðvitað svara maður því neitandi, það getur ekki verið. Svona snilldarlegar fléttur og hádramatískt leikrit eins og við höfum orðið vitni af, geta ekki nema snillingar skrifað og því fullyrði ég það að ég lifi í draumi. Handritshöfundar á Íslandi hafa greinilega ekki farið í verkfall eins og þeir í Hollywood. Og ég fullyrði líka hér með að þeir eru búnir að gera lítið úr þeim bestu í Draumalandinu því þeir gætu aldrei skrifað þetta betur.

Næsta spurning er auðvitað.. hvað gerist næst hér í SpinCity eða í Brandaraborg ?

.. maður bíður spenntur og vill ekki vakna fyrr en maður hefur séð meira af þessari hádramatísku og þverpólitísku spennuséríu.

Björn Ingi væluskjóða eða snillingur ?

Mon, 21 Jan 2008 16:44:56 GMT

Það vinsælasta hjá stjórnmálamönnum í dag er að væla. Hillarý bjargaði sér algjörlega um daginn með því að “ekka” í viðtali og sýna þar með sína mannlegu hlið. Okkar Hillarý er Björn Ingi hjá Framsókn.. það er ekki spurning.

Annað hvort er hann algör væluskjóða eða hann er á undan sínum samtíma og frammúrskarandi stjórnmálamaður með því að nota þennan “ekka”. Hann er alla vega óhræddur að sína á sér mjúku hliðina og jafnvel fella tár til að fá menn á sitt band.

Það var leikur hjá honum að svíkja Sjálfstæðisflokkinn í Borgastjórn og fara svo "ekka" fyrir framan flokkinn sinn til að biðja þá um stuðning. Hann beinlínis bað þá um að hugga sig fyrir slæma framkomu Sjálfstæðiflokksins. Þetta virkaði vel hjá honum því fyrir vikið uppskar hann samúð og samstöðu hjá sínum flokksmönnum með áframhaldið.

Nú er hann "ekkandi" í fjölmiðlum og nú biður hann flokksmenn sína um styrk og samstöðu við að hálshöggva flokksbróður sinn Guðjón Ólaf. Guðjón gagnrýnir Björn Inga fyrir spillingu, að láta flokkinn borga jakkafötin sín í síðustu kosningum. Í þetta sinn virkar "ekkið" svo vel hjá Björn Inga að sjálfur formaðurinn Guðni er nú farinn að hugga hann opinberlega og þerrar tárin hans í fjölmiðlum.

Það virðist vera þannig í stjórnmálum að því meira þú svíkur og stelur, því meiri spilling og hroki þú sínir fólki.. því flottari ertu. Þannig menn vilja þeir í stjórnunnarstöður.

Ég er nú svo einfaldur að mér finnst einfaldlega að stjórnmálamenn eigi að hafa efni á því að klæða sig sjálfir. Þeir hafa alla vega fengið mun meiri kauphækkanir á síðustu árum en almenningur, svo það er rugl að þeir borgi ekki sínar lufsur sjálfir. Þeir fá margs konar hlunnindi sem snúa að bílastyrkjum, ferðastyrkju, dagpeningum og hvað veit ég.

Svo þegar Björn Ingi fer líka fram á að fá jakkaföt ofan á allt .. þá finnst mér það líka vera spurningarmerki og hann kominn á grátt svæði og spurning um valdníðslu og spillingu. En hvernig bregst hann við þeirri gagnrýni ? Hann vælir um biður um samúð fyrir óréttlætinu í flokkbróður sínum.

Hvort er hann Björn Ingi væluskjóða eða lítill strákur sem fer að skæla þegar hann fær ekki allt sem hann vill eða er hann kannski á hinn bogin á undan sínum samstíma í stjórnmálum að spila inná samúðina hjá fólki í fjölmiðlum?

Nýtt ár byrjar eins og það gamla endar.. bara brillíant.

Thu, 10 Jan 2008 11:32:24 GMT

Nýja árið varla byrjað þegar allt er rúllað yfir um hérna í vinnunni.

Ég er þegar farinn að taka 4 verkjastillandi og 4 bólgueyðandi á dag til að halda mér gangandi eða réttara sagt.. sitjandi við skrifborðið og tölvuna endalaust.

Lítrafjöldinn af Pepsi Max og kaffibollunum fer sífellt hækkandi og sé ég fram á að persónleg met í lítrafjölda á sólahring falla á allra næstu vikum.

Svefninn fer hraðlega mínnkandi og verður keyrður niður í núll fyrir páska.

Tími fyrir þrif er löngu farinn út úr sólahringnum (ekki tími fyrir svoleiðis) en lyktin er ekki ennþá óbærileg en hárvöxturinn fer fljótt í fléttur út um allan líkama.

Mataræðið er tekið eftir hentugleika annað hvort við tölvuna eða á milli funda í bílunum.. sem sagt bara skindibiti og annað ógeð sem maður dettur niður á.

Bara spurning hvað maður endist lengi í þessu .. eigum við að segja ca. 5 ár í viðbót ?

Og svo segjum við öll í einum kór: "Það best að búa á Íslandi."

Gleðilegt nýtt ár.

Tue, 01 Jan 2008 12:29:49 GMT

Ég óska öllum þeim sem koma hérna við gleðilegt nýtt ár og þakka þeim fyrir það liðna.

Ég hef átt ágætlega viðburðarríkt ár sem einkennist af hamingju og velgengni í leik og í starfi. Ég sé fram á að næsta ár verði svipað, fleiri breytingar og vonandi enn meiri velgengni í leik og starfi.

Ég óska okkur öllum velgengni í því við tökum okkur fyrir hendur og megi nýja árið vera okkur öllum mikil blessun á öllum sviðum lífsins.

Margrét Lára Íþróttamaður ársins., þetta er vægast sagt umdeilt val.

Sat, 29 Dec 2007 12:26:07 GMT

Ég hef ávallt haft mikið álit á Margréti Láru sem knattspyrnukonu. Hún er feikilega efnileg og leggur mikið á sig til að ná árangri ENN hún er ennþá áhugamaður í sínu sporti. Hún hefur í mörg ár verið afburðamanneskja í kvennaknattspyrnunni hér heima en hún hefur ekki ennþá sannað sig á alþjóða vettvangi. Það hafa margir velt því fyrir sér, því reynir hún ekki fyrir sér á erlendri grundu ? Hvers vegna setur hún sér ekki hærri markmið þar sem hún hefur unnið allt hérna heima oftar en einu sinni ? Hvað stoppar hana af til að reyna fyrir sér á alþjóðar vettvangi þar sem fleiri keppinautar hennar eru í sama gæðaflokki og hún?

Að þessu sögðu, þá finnst mér fáranlegt að bera afrek hennar við afrek aðra íþróttamenn sem eru dags daglega að keppa á alþjóðar vettvangi og eru atvinnumenn í sínu fagi. Mér finnst það hreinlega móðgun við þá mörgu afreksmenn sem við eigum og eru t.d. afreksmenn á alþjóðavettvangi. Þeir eru meðal annars valdir í heimslið í sinni íþrótt samban ber Ólaf Stefánsson og Guðjón Val og NB Guðjón Valur var markahæðstur á HM í handknattleik.

Einnig vil ég meina að Birgir Leifur Hafþórsson atvinnugolfari hafi unnið þrekvirki að komast aftur inná Evrópumótaröðina í golfi og hann er vel að þessum titli. Hann er fyrsti íslendingurinn sem vinnur þetta afrek. Rétt eins og Eiður Smári var fyrstur til að leika með einu stærsta fótboltaliði í heimi Barcelona og er núna búinn að skáka mörgum af bestu knattspyrnumönnum í heimi með því að ná fasta sæti í liðinu og halda Ronaldihnio á bekknum.

Hins vegar vil ég meina að Ragna Ingólfsdóttir hnitdrottning hafi átt skilið 3. sætið í kjörinu þar sem hún vann marga af bestu badmintondrottningum í sinni íþrótt á árinu.

En ég segi bara rétt eins og einn óþolandi íþróttafréttamaður segir alltaf þegar hann hefur bullað..

.. "þetta er bara mín skoðun"

Arnold Schw. les dreng pistilinn á hátindi leikferilsins

Thu, 20 Dec 2007 10:30:07 GMT

http://www.eeuauaughhhuauaahh.ytmnd.com/

Ef þú gefur tónlist, þá gefðu tónlist frá félaginu KRAFTUR.

Tue, 18 Dec 2007 14:33:22 GMT

Börnin mín fá Range Rover í jólagjöf.

Tue, 18 Dec 2007 14:06:56 GMT

Er ekki málið að vera eins og Jón Ásgeir og gefa Range Rover í jólgjöf ?

Neii.. ég held að ég geri bara gott betur og gefi tvo, þar sem ég á tvíbura :lol:

Börn fá Range Rover í jólagjöf

Eftir Atla Fannar Bjarkason - atli@24stundir.is

„Fjarstýrður Range Rover fyrir þau allra flottustu. Spilar tónlist og er með alls konar flottum ljósum. Alvörukaggi!" Svona er fjarstýrðum Range Rover-jeppa lýst í Hagkaupum í Smáralind.

Samkvæmt upplýsingum frá leikfangadeild Hagkaupa í Smáralind er mikil spenna fyrir fjarstýrðum lúxusbílum, þrátt fyrir að þeir séu ekki mjög hentugir í torfærur, en börn eru jafnan spenntari fyrir hólum og hæðum heldur en hefðbundnum götuakstri.

Lexus- og Ford Mustang-bílar eru einnig fáanlegir í fjarstýrðum útgáfum, en starfsmaður í Hagkaupa sagði að verslunin hefði nýlega tekið inn þessar tegundir af bílum. Sannkallað lúxusbílaæði hefur gripið þjóðina og þar er greinilega ekki spurt um aldur.

Skemmst er að minnast þess þegar Blaðið (nú 24 stundir) sagði frá því að 2007 yrði metár í lúxusbílasölu. Það sem af er ári hafa 127 nýir Range Rover-jeppar selst samkvæmt upplýsingum af vef Umferðarstofu.

Verðið á þeim er frá tæpum 8 milljónum upp í rúmar 17 milljónir. Verðkröfur barnanna eru ögn hógværari, en fjarstýrður Range Rover kostar 6.990 krónur í Hagkaupum. Ef barnið hyggst taka bílalán til 84 mánaða hjá TM fyrir bílnum þyrfti það að punga út rúmum 400 krónum á mánuði, miðað við 20% innborgun. Fjarstýrði bíllinn myndi á endanum kosta rúmar 33.000 krónur.

REI, REI ekki um jólin.

Tue, 18 Dec 2007 09:29:07 GMT

Starfsfólk Orkuveitu Reykjavíkur gerði frábært grín að REI-málinu á árshátíð sinni um síðustu helgi.

http://www.youtube.com/watch?v=X0zD59sre2A&eurl

Mislukkað skítakomment um Gillzenegger.

Mon, 17 Dec 2007 16:46:02 GMT

Það er ekki annað en hægt að kommentera á svona rugl..

.. því fara menn ekki bara á síðuna hans Gillz og öskra þar frekar en þetta ??

http://www.gillz.is/

Ok hann Gills er bara eins og hann er og held ég að flestir séu búnir að ná hans unglingahúmor og sumir hafa bara gaman að honum.

Lýsir svona skítakomment ekki bara viðkomandi persónu betur en því sem hann er að reyna að segja ?

GilzNEGGER?

Ok ég get bara ekki orðabundist lengur!

Hver er þessi fjandans gaur sem heiladauðir fjölmiðlar íslands virðast vera svona staðráðnir í að troða inn í líf okkar alla daga?

Séð og heyrt, Hér og Nú, DV, Sirkus og allt hitt kjaftæðið, hvað er fjandans málið?... Þurfið þið á svona grát-hlægilegum fjölmiðlahórum eins þessum að halda til að halda ykkur uppi? Eru Íslendingar orðnir svona fokking heilalausir, grunnhyggnir og yfirborðskenndir að þeir þurfi á svona fjölmiðlahórum að halda til að taka til fyrirmyndar?

Hvað hefur þessi einstaklingur gert? Hverju hefur hann áorkað svona merkilegu í lífinu að ég þurfi að þjást við það að FORLJÓTU smettinu á honum sé troðið framan í mig allan daginn, ásamt sorglegu frösunum hans?

[Ég vill taka það framm að ég les ekki einu sinni þessi tímarit en sé hann á forsíðu þeirra alla daga þegar ég fer út í búð að kaupa mér banana ...já ég sagði banana]

Og ekki nóg með það þá hefur hann skrifað bók, ég endurtek; SKRIFAÐ BÓK??? Og það sem verra er að allir 6-16 ára guttar eiga eftir að hlaupa um allan bæ og kaupa hana til mikils fagnaðar fyrir fjölmiðla og útgefnendur (sem eru aðeins að nota þessa greyið hóru til að græða peninga á hugsunarlausum fjöldanum) og um hvað er þessi bók eiginlega?.. það að vera fallegur? Heil bók um ÞAÐ AÐ VERA FALLEGUR????? KOMMON!! Þetta er eins og í bíómyndinni Zoolander!

Er greind samfélags okkar að fara niður í klósettið með hverjum árgangnum og fjölmiðlarhelvítin að hjálpa til? Eða vita kannski allir hversu mikið sorglegt djók þessi náungi er nema hann sjálfur?

Og fyrir hans CULT OF MINDLESS FOLLOWERS sem eiga eftir að svara þessum kork og kalla mig rjóma, frómas og aðrar matvörur sem þeir finna í eldhúsinu hjá mömmu sinni og segja "Þú ert bara öfundsjúkur" og "djöfull ertu bitur" ..þá vil ég segja GROW THE FUCK UP!!

p.s. "Fazmo Klíkan"??.. pælið aðeins í því helvíti! vá vááááá, þeir kunna meira að segja að tala og allt og eiga klíku, klíku sem kann að tala og skírði sig eftir einhverjum efnafræðikennara í gaggó '94 váááá .. þurfum við hin að vita þetta tilgangslausa kjaftæði? geta einhverjar stráka "klíkur" ekki bara verið í sínum orgíum heima hjá sér og hætt að hórast í dagblöðunum til að fá athyglina sem þeir fengu aldrei í æsku?

Jólastress og trúmál.

Mon, 17 Dec 2007 14:30:47 GMT

Þá er það síðasta vikan fyrir jól.. margt sem þarf að gera og bráðum verða allir drullu stressaðir. Ég ætla að plana í kvöld hvernig ég geri það sem ég á allt eftir ógert til að ná þessu öllu fyrir næstu helgi. Skrautið, pakkana, matinn, kortin, fötin, versla inn og gera hreint.. þetta hlítur að reddast einhvern veginn.

Helgin var ágæt og sérstaklega laugardagurinn. Stórfjölskyldan kom saman til að minnast afa og ömmu. Afi hefði verið 100 ára þann 15.des ef hann hefði lifað blessaður og minntist fjölskyldan gamla mannsins. Sama dag hélt ég uppá afmæli Nökkva elsta sonar míns en hann var 6 ára þann 13. og fórum við í smá flipp ég, hann og Magnús frændi hans. Fyrst fékk hann stóran pakka sem var pappakassahús og inní því húsi voru fullt af pökkum. Hann fékk útrás að taka utan af öllum pökkunum. Eftir það fórum við í Keiluhöllina í spilasalinn og fengu þeir frændurnir og vinirnir aðra útrás í spilskössunum. Þegar því var lokið fengu þeir ís og smá nammi og fórum við svo í minningarathöfnina hans afa þar sem þeir gátu leikið sér í golfi og pool. Svo þessi dagur var ferlega skemmtilegur fyrir þá frændur.. og fyrir flesta að ég held.

Ég nenni nú varla að tala um gærdaginn, sunnudaginn.. honum eyddi ég á Players að horfa á fótbolta sem mér fannst ömulegur. Ég þoli ekki Man. Unt. og Arsenal.

Er ég kom í vinnuna í morgun fékk ég leiðinlega fréttir en einn vinnufélagi minn hefur barist við krabbamein í rúmt ár og lést hann í nótt. Þó að maður hafi verið búinn að búa sig undir þessar fréttir lengi og þá hann sjálfur líka.. þá koma svona fréttir alltaf aftan að manni. Óskar Þór var eðal náungi, hress, kátur og feiknalega duglegur, fæddur 1960 og lætur hann eftir sig konu og tvibba. Hann var nefnilega tvibbapabbi eins og ég. Það áttum við líka sameiginlegt og gátum við haft gaman að því þegar við vorum að segja hvor öðrum þær sögur.

Mér finnst vera leiðinlegt hvernig við erum farin að tala um trúmál hér á Íslandi. Við erum ekki ennþá farin að eiga við nein alvöru vandamál hvað varðar múslima eða heittrúaða innflytjendur sem gera alvöru kröfur um moskvur og fá að ganga með slæður í skólum eða eitthvað í þessum stíl. En samt erum við sjálf farin að reyna að búa til svo flækjur. Erum við að reyna að stæla vandræðin í Evrópu ? Hvers vegna erum við að flækja þessu mál svona allt í einu núna ?

Ég er á þeirri skoðun að við eigum alls ekki að gefa eftir neitt hvað varða kristnifræði og kennslu á kristilegu siðgæði í skólum. Mér finnst það bara vera nógu góð rök að við erum að tala um 90% meirihluta og 1000 ára hefð og allt hefur verið blessunarlega gott hingað til. Mér finnst við ekki eiga að hlusta á þessa minnihlutahópa sem halda að þeir séu eitthvað spes. Þegar þeir reyna að kalla það mannréttindi að fá að breyta þjóðfélagi eftir sínu höfði þá finnst mér þeir vera að fara út á hálan ís. Mér finnst þeir vera að nota sér þær hörmungar sem eru að gerast á mörgum stöðum í Evrópu að kristin samfélög er að lúffa fyrir múslimum.. eingöngu út af því að mínu mati.. vegna þess að múslimir eru að standa með sinni trú en ekki við. Því er kristið fólk ekki að standa með sinni trú ? Því erum við alltaf að sýna "skilning?" Það stendur í Biblíunni að við eigum að berjast fyrir því sem við trúum. Við eigum að berjast fyrir trúnni okkar og þegar byrjað er að ráðast svona á hana.. þá eigum við að standa upp og segja stopp. Ég segi gefum ekki eftir og ef trúleysingjar vilja fræða börnin sín um annað en kristni, þá gera þau það sjálf. Börnin eiga rétt á því að vita hvaðan þau koma og hverjir voru forfeður þeirra. Þó að foreldrar þeirra hafi kosið að hafna kristinni trú, eða ala þau upp í öðru siðgæði, þá er það réttur barnanna að vita það hver rótin þeirra sé og í hvernig þjóðfélagi þau búa. Það er ekki hægt að 90 % af þjóðinni eigi bara að sýna þessum litla minnihluta hópi fullan skilning á þeirra sérstöðu. Mér finnst það alla vega út hött.

Amen að sinni.

Ástin og börnin.

Tue, 11 Dec 2007 14:16:59 GMT

"Þegar maður verður skotin í ástfanginn, þá er það rosalega sárt og maður getur meitt sig alveg fullt."
-Magnús 7. ára.

"Ég veit ekki alveg hvers vegna það eru svona margir ástfangnir,
en ég held það sé vegna þess að konur eru með ilmvatn og karlar rakspíra
og það er þá líklega vegna þess að þau ilma svo vel. Þess vegna seljast ilmvötn svo mikið.
Mamma kaupir alltaf fullt þegar hún fer til útlanda og oftast fyrir pabba."
-Siggi 8. ára

"Ég hef heyrt að ástin og að verða ástfanginn sé það mikilvægasta í heiminum,
en það er líka mikilvægt að Manchester United gangi vel!"
-Friðrik 8. ára.

"Strax á eftir þegar ég er búinn í leikskólanum ætla ég að finna mér konu."
-Tómas 5 ára.

"Mér finnst voða gaman að horfa á ástina, bara ekki á meðan Birta
og Bárður eru. Ég vil frekar horfa á þau."
-Helga 7. ára.

"Fyrst þegar kærustupar ferð út saman þá skrökva
þau alveg fullt að hvort öð ru , en samt fara þau út aftur...og verða kannski hjón?"
-Finnur 10. ára.

"Ég er með svolítið margar freknur, svo að konan mín
verður að hafa freknur líka."
-Andri 6. ára.

"mamma sagði að ég ætti að velja mér mann sem væri
blaður og myndarlegur."
-Katrín 8. ára.

"Æ, hættu að spyrja mig að þessu með ástina, ég fæ hausverk...
ég bara krakki og ég þarf enga ástina."
-Ragnar 7 ára.

"Ég ætla sko ekkert að flýta mér að verða ástfanginn.
Það er alveg nógu erfitt að vera í skólanum."
-Regína 10.ára.

"Mamma segir að karlmenn séu heilalausir. Hún er búin að
reyna að finna marga sem eru með heila en það gengur illa."
-Agnes 10. ára.

"Maður og kona lofa að fara í gegnum allt saman, líka Hvalfjarðagöngin."
-Ómar 7. ára.

"Ég ætla sko ekki að eignast börn! Eða jú kannski? En ekki að skipta um
bleyjur! Ég myndi bara hringja í mömmu og bjóða henni í kaffi til að fá hana til að skipta um bleyjur."
-Kristín 10. ára

"Ástin er mjög asnaleg...en ég held ég verði
samt að prófa hana?"
-Sigrún 9. ára.

"Ástin finnur mann sko alltaf... jafnvel þótt þú reynir
að fela þig. Ég hef reynt að fela mig oft, oft, en alltaf finna stelpurnar mig og verða skotnar í mér."
-Davíð 8. ára.

Hvenær náðu Jack Black Joe heimsfrægð ? Missti ég af áratug eða ?

Tue, 11 Dec 2007 11:23:59 GMT

.. en það er það sem manni dettur i huga þegar maður sér svona þessa auglýsingu hér að neðan. Hvaða rugl er þetta með að auglýsa tónleika eins og þessa rétt fyrir jólatörnina þegar allt er fljótandi í flottum jólatónleikum og alls konar viðburðum ? Þetta er blásið upp og miðaverðið er líka eins og hér sé um heimsviðburður að ræða ?

Páll ætti nú að eiga fyrir steikinni en kannski hinir í bandinu séu að ná sé í aur fyrir jólainnkaupin.. allir komnir með yfirdráttinn í botn.

Miðasala á tónleika rokksveitarinnar Jet Black Joe í Laugardalshöll hinn 16. maí á næsta ári hefst í dag klukkan 10 á midi.is, Skífunni og BT úti á landi.

Á tónleikunum spilar Jet Black Joe með félögum úr Gospelkór Reykjavíkur undir stjórn Óskars Einarssonar, auk fjölda söngvara og hljóðfæraleikara.
Á meðal laga sem flutt verða eru Rain, Higher and Higher, I Know og Oh Happy Day. Miðaverð er 6.900 og 5.900 krónur

Geir Ólafs var tekinn aftur...

Mon, 10 Dec 2007 20:04:08 GMT

Það er bara virðist alltaf hægt að "taka" Geir Ólafsson.

Sáttafundur Erps og Geirs í Íslandi í dag í kvöld

Erpur hefur lent í dýpri pytt en þessum. Hér er hann í Kambódíu.

Erpur Eyvindarson og Geir Ólafs ætla að slíðra sverðin í kvöld og ræða málin í Íslandi í dag.

Geir og útgefandi hans, Óttar Felix Hauksson kröfðust lögbanns á sjónvarpsviðtal sem Erpur tók við Geir. Viðtalið birtist á nýrri sjónvarpsstöð, Þristinum, þar sem Erpur er í hlutverki sjónvarpsstjóra og dagskrárgerðarmanns.

Geir er að senda frá sér plötu um þessar mundir, en í viðtalinu hefur Erpur meiri áhuga á að ræða það sem Geir kallar bernskubrek. Þar á meðal þriggja ára gamalt atriði úr sjónvarpsþættinum Kallarnir sem var sýndur á Sirkus og Egill ,,Gilzenegger" Einarsson stjórnaði. Þar bregður Geir á leik og kennir mönnum hvernig umgangast eigi konur, vopnaður gúmmídúkku sem kennslugagni.

Geir sagði í Fréttablaðinu í gær að ekki væri væri verið að óska banns á viðtalinu sem slíku. Honum finnst þó að með því að skeyta þessum upptökum við viðtalið sé verið að gera lítið úr sér. Erpur er ekki sammála því, en honum finnst óskiljanlegt hvers vegna Geir vilji fá viðtalið bannað. Hann segir það hefðbundin vinnubrögð í sjónvarpi að klippa inn efni sem ber á góma. ,,Ef menn eru að juða á gúmmítuðru og það er rætt sérstaklega ber að sýna umrætt atriði" sagði Erpur við blaðamann Fréttablaðsins.

Það er ekki verið að setja bann á viðtalið sem slíkt. Ég ákvað að fara í viðtalið og allt í fínu með það en þeir voru að skrumskæla þetta með því að setja inn gamlar óþægilegar upptökur inn í viðtalið, upptökur sem ég er alls ekki stoltur af. Þar sem beinlínis er verið að gera lítið úr mér. Já, mér finnst það," segir Geir Ólafsson tónlistarmaður.

Lögbanns hefur verið krafist að ósk Geirs og útgefanda hans, Óttars Felix Haukssonar, á sjónvarpsviðtal sem Erpur Eyvindarson tók við Geir. Viðtalið birtist á nýrri sjónvarpsstöð, Þristinum, þar sem Erpur er í hlutverki sjónvarpsstjóra og dagskrárgerðarmanns. Sjónvarpsstöðin er send út á rás 12 á Digital Ísland.

Hafa menn orðið við þessari kröfu meðan lagastaða er skoðuð. Geir er að senda frá sér nýja plötu um þessar mundir sem ber heitið „Þetta er lífið" en í viðtalinu beinir Erpur einkum sjónum að því sem Geir kallar bernskubrek - vill ræða þriggja ára gamalt atriði úr sjónvarpsþættinum Kallarnir sem voru á Sirkus og Egill „Gilzenegger" Einarsson stjórnaði. Þar bregður Geir á leik og þykist kenna mönnum hvernig umgangast eigi konur og er með gúmmídúkku sem kennslugagn.

„Það hljóta allir að sjá að þetta er ekki við hæfi í dag. Þetta eru bernskubrek og mér finnst erfitt og óþægilegt að sjá þetta sett í slíkt samhengi - án alls samráðs við mig og útgefanda minn Óttar," segir Geir.
Erpur segir óskiljanlegt hvers vegna Geir vill fá viðtalið bannað. Segir það frábært og skemmtilegt hvernig Geir blæs á kjaftasögurnar. „Hann gerir hreint fyrir sínum dyrum og stendur uppi eftir sem heildstæðari og betri maður. Gerir allt rétt."

Erpur bætir því við að þetta séu hefðbundin vinnubrögð í sjónvarpi að klippa inn efni sem ber á góma - sé slíku efni til að dreifa. „Ef menn eru að juða á gúmmítuðru og það rætt sérstaklega ber að sýna umrætt atriði."